vkofin.gov.kz | Кадровое обеспечение

«Мемлекеттік қызмет туралы» Қазақстан Республикасының 1999 жылғы 23 шілдедегі № 453 Заңы

12-бап. Мемлекеттiк әкiмшiлiк қызметке кiру құқығы

1. Қазақстан Республикасы азаматтарының мемлекеттiк әкiмшiлiк лауазымға орналасуға құқығы бар. Мемлекеттік әкімшілік лауазымға орналасу, осы Заңда көзделген жағдайларды қоспағанда, конкурстық негізде жүзеге асырылады.
2. Мемлекеттік қызметшінің мемлекеттік әкімшілік лауазымға орналасуы ол тиісті бос тұрған лауазымға қойылатын біліктілік талаптарына сай келген жағдайда, мемлекеттік қызметшінің және уәкілетті органның немесе оның аумақтық бөлімшесінің келісімімен конкурстық іріктеусіз ауысу тәртібімен жүзеге асырылуы мүмкін.
Мемлекеттiк қызметшiнiң сыбайлас жемқорлық құқық бұзушылық жасағаны үшiн Қазақстан Республикасының заңдарында белгiленген тәртiппен алынбаған тәртіптiк жазасы болған жағдайда, мемлекеттiк әкiмшiлiк лауазымға ауысу тәртiбiмен орналасуына жол берiлмейдi.
3. Өз өкiлеттiгiн доғарған, терiс себептермен доғарғандарын қоспағанда, және қойылатын бiлiктiлiк талаптарына сай келетiн Парламент депутаттарының, тұрақты негiзде жұмыс iстейтiн мәслихат депутаттарының, мемлекеттiк саяси қызметшiлердiң, судьялардың мемлекеттiк әкiмшiлiк лауазымға конкурстық iрiктеусiз орналасу құқығы бар. Парламент депутаттарының, тұрақты негiзде жұмыс iстейтiн мәслихат депутаттарының, мемлекеттiк саяси қызметшiлердiң, судьялардың мемлекеттiк әкiмшiлiк лауазымға орналасу тәртiбiн Қазақстан Республикасының Президентi айқындайды.
4. Мемлекеттiк қызметке кiру кезiнде жынысына, нәсiлiне, қай ұлтқа жататынына, тiлiне, әлеуметтiк тегiне, мүлiктiк жағдайына, тұрғылықты жерiне, дiнге қатынасына, сенiмiне, қоғамдық бiрлестiктерге қатыстылығына және кез келген өзге де мән-жайларға қарай қандай да болсын тiкелей немесе жанама шектеулер белгілеуге жол берiлмейдi.
5. Осы Заңда белгiленген жағдайларды қоспағанда, конкурстық iрiктеуден өтпеген азаматтарды мемлекеттiк әкiмшiлiк қызметке қабылдаған лауазымды адам осы Заңның 28-бабында белгiленген тәртiппен жауапқа тартылады.
Ескерту. 12-бапқа өзгерту енгізілді - Қазақстан Республикасының 2003.03.11. N 393, 2005.07.08. N 75 (қолданысқа енгізілу тәртібін 2-баптан қараңыз) Заңдарымен.

13-бап. Мемлекеттiк қызметке кiру кезiнде қойылатын талаптар

1. Мемлекеттiк қызметке кiретiн адамдар мынадай талаптарға:
1 ) Қазақстан Республикасының азаматы болуға;
2) егер Республиканың заңдарында тиiстi лауазымдар жөнiнде өзгеше белгiленбесе, жасы он сегiз жастан кем болмауға;
3) қажеттi бiлiмi, кәсiби даярлық деңгейi болуға және белгіленген бiлiктiлiк талаптарына сәйкес келуге тиiс.
2. Азамат мемлекеттiк қызметке кiрген кезде салық қызметi органдарына өзi алған табысы мен өзiне меншiк құқығымен тиесiлi, салық салу объектiсi болып табылатын мүлкi туралы мәлiметтердi табыс етуге мiндеттi.
3. Мемлекеттiк әкiмшiлiк лауазымға орналасу азаматтар мiндеттi арнайы тексеруден өткеннен кейiн жүзеге асырылады.
4. Мемлекеттiк саяси қызметке кiру үшiн қойылатын қосымша талаптарды Қазақстан Республикасының Президентi айқындайды.
5. Мемлекеттік әкімшілік лауазымдарға қойылатын біліктілік талаптарын мемлекеттік органдар лауазымдар санаттарына қойылатын үлгі біліктілік талаптары негізінде әзірлейді және бекітеді.
Ескерту. 13-бапқа өзгерту енгізілді - Қазақстан Республикасының 2003.03.11. N 393 Заңымен.

14-бап. Мемлекеттiк әкiмшілiк лауазымға орналасуға арналған конкурс

1. Мемлекеттiк әкiмшiлiк лауазымға орналасуға арналған конкурс Қазақстан Республикасы азаматтарының мемлекеттiк қызметке тең қол жеткiзу құқығын қамтамасыз етедi.
2. Мемлекеттiк әкiмшiлiк лауазымға орналасуға арналған конкурсты өткiзудiң шарттары мен тәртiбiн, оның iшiнде конкурстық комиссия құру тәртiбiн уәкiлеттi орган белгiлейдi.
3. Конкурсты бос лауазымдар бар мемлекеттік орган не Қазақстан Республикасы Президентінің шешімі бойынша уәкілетті орган конкурс өткізу туралы мемлекеттік тілде және орыс тілінде хабарландыру жарияланғаннан кейін өткізеді. Конкурс орталық мемлекеттік органдар мен олардың аумақтық бөлімшелерінде және ведомстволарда өткізілген кезде хабарландырулар Қазақстан Республикасының бүкіл аумағына таралатын мерзімді баспасөз басылымдарында жарияланады. Жергілікті мемлекеттік органдарда конкурс өткізу туралы хабарландырулар тиісті әкімшілік-аумақтық бірлік аумағына таралатын мерзімді баспасөз басылымдарында жарияланады.
3-1. Егер конкурс белгілі бір жұмыс мерзімімен бос тұрған орынға өткізілетін болса, онда жасалғалы отырған еңбек шартының жағдайы конкурсты өткізу туралы хабарландыруда көрсетілуге тиіс.
4. Конкурсқа Қазақстан Республикасының барлық азаматтарының қатысуға құқығы бар.
5. Алып тасталды - Қазақстан Республикасының 2003.03.11. N 393 Заңымен.
6. Конкурстық комиссияның шешiмi мемлекеттiк әкiмшiлiк лауазымға орналасуға не мұндай лауазымға кiруге бас тартылуға негiз болып табылады.
7. Конкурстық комиссияның оң қорытындысын алған конкурсқа қатысушылардың мемлекеттiк әкiмшілiк лауазымға орналасуға құқығы бар.
8. Мемлекеттiк органның басшысы жарияланған лауазымға конкурстық комиссияның оң қорытындысын алған қатысушыны қабылдауға мiндеттi. Бұл орайда мемлекеттiк қызметке кiру үшiн заңдарда көзделген талаптар сақталуға тиiс.
9. Конкурстық комиссияның оң қорытындысын алмаған, бiрақ ол мемлекеттiк қызмет үшiн ұсынған конкурсқа қатысушылар уәкiлеттi орган және оның аумақтық бөлiмшелерi құратын кадрлар резервiне тiркелуi мүмкiн.
10. Кадрлар резервiне тiркелген конкурсқа қатысушылар оларды тiркеу күнiнен бастап бiр жыл iшiнде қосымша конкурстан өтпестен тиiстi мемлекеттiк әкiмшiлiк лауазымға орналаса алады.
11. Конкурстық комиссияның шешiмiне Қазақстан Республикасының заңдарында белгiленген тәртiппен шағым жасауға болады.

Ескерту. 14-бапқа өзгерту енгізілді - Қазақстан Республикасының 2001.06.04. N 204, 2003.03.11. N 393, 2005.07.08. N 75 (қолданысқа енгізілу тәртібін 2-баптан қараңыз) Заңдарымен.

Уақытша мемлекеттiк сатып алудың есептiлiгi және мониторингі бөлімінің бас маманы, негізгі қызметкердің бала күту жөніндегі демалыста болған кезеңде (2012 жылдың 19 шілдесіне дейін), Д-О-4 санаты

Талаптар:
Білімі: Жоғары қаржылық, экономикалық. Бір жылдан кем емес мемлекеттік қызмет өтілінің немесе аталған санаттың нақты лауазымының тиісті функционалдық бағыттары саласында екі жылдан кем емес жұмыс өтілі болған жағдайда арнайы орта қаржылық, экономикалық бағыттағы білімі барларға рұқсат етіледі.

Негізгі функционалдық міндеттері
Шағын кәсіпкерлік субъектілерінің тауарларды, жұмыстарды және көрсетілетін қызметтерді мемлекеттік сатып алуы туралы ай сайынғы есепті, тоқсан сайын веб–портал арқылы өткізілетін мемлекеттік сатып алу туралы 1-ГЗ нысанды есептілікті, ай сайын веб–портал арқылы тауарларды, жұмыстарды және көрсетілетін қызметтерді мемлекеттік сатып алу кезінде қазақстандық мазмұнның көлемі туралы ақпаратты, сондай-ақ мемлекеттік сатып алу бойынша өткізілген конкурстар туралы өспелі қорытындымен облыс бойынша ақпаратты әзірлейді.

Уақытша инвестициялық жобалар мен кредит беруді есепке алу және есептілік бөлімінің бас маманы, негізгі қызметкердің бала күту жөніндегі демалыста болған кезеңде (2013 жылдың 7 қыркүйекке дейін), Д-О-4 санаты

Негізгі функционалдық міндеттері
Тұрғын үй - коммуналдық шаруашылық және көлік инфрақұрылымға арналған шығыстар бойынша бюджеттің атқарылуы мониторингін, қаражаттардың игерілмеу себептерін анықтай отырып, жергілікті бюджеттер мен объектілер бөлісінде республикалық бюджеттен берілген трансферттердің бағдарламалары бойынша облыс бюджетінің атқарылуын талдау. Облыстық бағдарламалар әкімшілері бөлінісінде жоблар мен бекітілген қаржыландыру жоспарларын жинау. Қалалар мен аудандардың облыстық бюджеттік бағдарламалары әкімшілері бөлінісінде дамыту бағдарламалары бойынша бюджеттік қаражаттар қалдықтарына мониторинг жүргізу.

Аудармашы, негізгі қызметкердің бала күту жөніндегі демалыста болған кезеңде (2012 жылдың 24 желтоқсанға дейін), G-13 санаты (еңбек шарты бойынша), мамандығы бойынша жұмыс өтіліне байланысты жалақы 29730 –дан 35747 теңгеге дейін.

Талаптар:
Жоғары педагогикалық, филологиялық (қазақ тілі мен әдебиеті). Орта кәсіптік білімі (педагогикалық, филологиялық (қазақ тілі мен әдебиеті) барларға рұқсат етіледі.

Негізгі функционалдық міндеттері
Түпнұсқаның лексикалық, стилистикалық және мағыналық мазмұнына тура сәйкестікті қамтамасыз ете отырып, құжаттарды ұлтаралық қатынас тілінен мемлекеттік тілге және керісінше аудармалар жасайды. Аудармаларды түзетеді.

Бос лауазымдыққа орналасуға қатысты ақпарат алу үшін мынадай телефондарға хабарласуға болады: 24-04-59, 26-46-74