Ереже

2010 жылғы 2-тоқсандағы атқарылған жұмыс туралы есеп

Шығыс Қазақстан облысының қаржы басқармасы 2010 жылдың 2 -тоқсанында мынадай жұмыстар атқарды:
«2010 жылғы 1-тоқсандағы бюджет қаражатының игерілуі бойынша облыс қалалары мен аудандары және облыстық бюджеттік бағдарламалар әкімшілерінің жұмысы туралы» облыс әкімдігінің коллегиясына басшының баяндамасы және ақпарат дайындалды.

Жол картасын іске асыруға бөлінген қаражаттарды дер кезінде игеру мақсатында облыстық әкімшілермен бірлесе отырып, жасалған шарттарға сәйкес  республикалық бағдарламалар әкімшілерінен трансферттердің түсуі бойынша жұмыстар жүргізілуде, республикалық бюджет қаражатын және қоса қаржыландыру қаржыларын игеру, нысаналы трансферттердің республикалық бюджеттен төмен тұрған бюджетке дейін жетуінің күн сайынғы  мониторингісі жүргізіледі. Жол картасына бөлінген қаражаттарды игеру ағымдағы жылдың 1 шілдесіне  5417,2 млн. теңге, оның ішінде республикалық бюджеттен 4018,8 млн. теңге, жергілікті бюджеттен қосақаржыландыру бойынша 1398,4 млн. теңгені құрады.

Қаржы басқармасы аппаратын ұстауға лимиттер бойынша 2011-2012 жылдарға Бюджеттік тапсырыс әзірленді.
Есеп беру кезінде Орталық органдарға, жергілікті және өкілетті органдарға, қаржылық бақылау жөніндегі орталық уәкілетті органға және басқа да атқарушы органдарға 2010 жылдың 1 жарты жылдығына облыс бюджеті мен облыстық бюджеттің атқарылуы жөнінде қосымшасы бар тоқсандық есеп, ағымдағы жылдың есеп беру кезеңінде бюджеттің атқарылуы жөніндегі тиісті ай сайынғы есеп әзірленіп, ұсынылды.

Теңгерім шоттары бойынша талдамалық деректермен ай сайын кредиторлық және дебиторлық жөнінде есептер, түсіндірме жазбахаты бар берешектің пайда болу себептері туралы, республикалық бюджеттен берілген нысаналы трансферттерді игеру жөнінде ақпарат ұсынылды.
Республикалық және жергілікті бюджеттер қаражаттары есебінен инвестициялық жобаларды іске асыруға бөлінген қаражаттардың игерілуіне, мемлекеттік мекемелер мен кәсіпорындар бойынша уақытында еңбекақы төлеуіне, жергілікті бюджетке түскен түсімдеріне нақты талдау жасалынады, шоттардағы қалдықтарды талдау және бюджеттік бағдарламаларды ақшалай қаражатпен қамтамасыз ету, ипотекалық тұрғын үй  сатып алуға азаматтардың өтініштерін есепке алу, тұрған  үйлерді сатуда түскен кірістер түсімдерін есепке алу, берілген кредиттердің қайтарылуына күн сайын, апта сайын, ай сайын монитринг жүргізіледі, ақпарат ҚР Қаржы министрлігіне, облыс әкімінің аппаратына ұсынылады.

«Мемлекеттік сатып алу туралы» Қазақстан Республикасы заңнамасына өзгерістер мен толықтырулар енгізуге байланысты оқыту семинарлары өткізілді:
24-25 сәуірде – мемлекеттік мекемелердің жауапты қызметкерлері және ЖШС, АҚ өкілдеріне семинар,
27 сәуірде – облыстың қалалары мен аудандарының ішкі істер бөлімдерінің қызметкерлерінің қатысуымен топтасқан семинар,
29 сәуірде –мемлекеттік сатып алу заңнамасын қолдану мәселесі бойынша мемлекеттік органдар үшін семинар-мәжіліс өткізілді. Семинарға 459 маман қатысты.

Екінші тоқсанның қорытындысы бойынша 1851 мемлекеттік ұйымның 1764-і мемлекеттік сатып алудың жылдық жоспарын орналастырды.
Ай сайын электронды әдіспен өткізілген мемлекеттік сатып алудағы қазақстандық мазмұн көлемдері жөніндегі есеп әзірленеді.
Облыстың коммуналдық меншігін тиімді басқару мақсатында «Шығыс Қазақстан мемлекеттік облыстық коммуналдық меншік объектілерін мүліктік жалға және сенімді басқаруға беру жөніндегі нұсқаулықтарды бекіту туралы» Шығыс Қазақстан облысы әкімдігі қаулысының жобасы әзірленді, қазіргі уақытта аталған жоба  келісу сатысында.

Облыстық коммуналдық меншік объектілерін жалға беру жөнінде үнемі жұмыс жүргізіледі. Ағымдағы жылдың 1 шілдедегі жағдай бойынша облыстық бюджетке 38,99 млн.теңге түсімдер түсті.  213 мүліктік жалдау шарты қолданыста.
Мемлекеттік коммуналдық меншіктің бір жылдан артық уақыт пайдаланылмаған объектілерін өндірістік қызметті ұйымдастыру және тұрғындарға қызмет өрсету саласын дамыту үшін шағын кәсіпкерлік субъектілерге кейіннен өтеусіз меншікке беру құқығымен сенімді басқаруға беру бойынша 2 тендер өткізілді. Оның ішінде сенімді басқаруға 6 коммуналдық меншік объектісі, 5 объект өтеусіз меншікке берілді.

Коммуналдық меншік объектілерін сату бойынша 4 аукцион және 2 тендер өткізілді. Жергілікті бюджетке сатудан 6,10 млн.теңге түсті.
Әлеуметтік мақсаттағы объектілерді коммуналдық меншікке қайтару бойынша жұмыстар жүргізіледі.
Облыстың гидротехникалық құрылыстары мен табиғи суқоймаларын түгендеу бойынша жұмыстар жүргізілді. Қорытынды бойынша 141 объектінің тізбесі жасалды, оның ішінде 13 жеке меншік обектісі бойынша қазіргі уақытта облыс Прокуратурасымен бірлесе отырып, Ертіс бассейндік инспекциясы талап арыздар және бұзушылықтарды жою және 5 гидроқұрылысты коммуналдық меншікке қайтару ұсынымдар әзірлеп жатыр.

Коммуналдық меншік мәселелері бойынша Шығыс Қазақстан облысы әкімдігі қаулысының 5 жобасы әзірленді, оның ішінде Халыққа қызмет көрсету орталықтарын республикалық меншіктен коммуналдық меншікке, негізгі құралдарды республикалық құрылымдарға беру бойынша (Прокуратура, Соттар әкімшісі).

Ұзақ уақыт пайдаланылмаған объектілер бойынша жұмыс жалғастырылды. Ағымдағы жылдың 1 шілдесінде 289 объект анықталды, оның 65%-ы өзінің қолданысын тапты (есептен шығарылды, жекешелендіруге берілді, қалпына келтірілді және т.б.).
Кәсіби бухгалтер сертификатын алуға арналған семинарды ұйымдастыру бойынша жұмыс жүргізілді.

Ұйымдардың Мемлекеттік коммуналдық меншік объектілер тізілімінің бөлімдер бойынша толтыру сапасы талданды: негізгі құралдар, заңды тұлғалар, ҚР Қаржы министрлігінің 441, 302 бұйрықтары бойынша ҚШҚ-ның есептері.

Кәсіби деңгейді арттыру мақсатында Шығыс Қазақстан облысы әкімі аппаратының Шығыс Қазақстан өңірлік мемлекеттік қызметшілерді қайта даярлау және біліктілігін арттыру орталығында басқарманың 6 маманы біліктіліктерін арттырды.

Кәсіби, құқықтық мәдениетті, деңгейін, азаматтармен жұмыс істей алу қабілеттілігін анықтау мақсатында кестеге сәйкес басқарманың 6 мемлекеттік қызметшісі аттестациядан өтті.

«Сараптау және сертификаттау ұлттық орталығы» АҚ Шығыс Қазақстан филиалы мамандары өткізген қайта сертификаттау аудиті нәтижесінде бюджетті атқару және коммуналдық меншікті басқару бойынша мемлекеттік қызметтерді ұсынуда СМС сәйкестігі 9001-2009 СМЖ ҚР ТС расталды.